شايب

في شايب كل يوم يروح البنك ويدخل 50 دينار بحسابه... الموظفين استغربوا
وفي يوم من الأيام قالوا لمديرهم السالفة

قالهم : إذاياكم نادوه أكيد اهو غني ولازم نكسبه زيادة
لما ياهم الشايب ودخل البنك دخلوه الموظفين على المدير

قاله المدير : أنت شنو تشتغل؟..
قال : بطالي
قاله المدير : من وين لك الفلوس عيل؟
قال : أنا أتحدى الناس من 50 دينار وأكسب.
قاله المدير : جذاب قول الصج...
قال الشايب : خلاص تتحدى أبوس عيني من 50 دينار
قال المدير : أتحدى....
قام الشايب وفك عينه وباسها ورجعها .... عينه تركيب

قاله المدير : شلون؟..
قال الشايب : تتحدى أعض أذني من 50 دينار
قال المدير : أتحدى....
قام الشايب وطلع سنونه وعض أذنه ورجعها ... سنون تركيب
عطاه المدير 100 دينار وطلع الشايب

من باجر لما دخل الشايب للبنك نادوه الموظفين ودخلوه على المدير
قاله المدير : يابن الحلال تكفى رجعلي فلوسي
قال الشايب : خلاص أنا بتحداك على شي إذا أنت فزت أعطيك فلوسك ومعاهم مثلهم
وإذا أنا فزت تعطيني 50 دينار بس
قاله المدير : وشنو التحدي
قاله الشايب : تتحداني أن لون سروالك الداخلي أزرق

قال المدير وهو فرحان : لا مو أزرق
قال الشايب : لا أزرق
قال المدير : لا يبا مو أزرق
قال الشايب : عيل طلعه أشوفه
فسخ المدير سرواله وطلع الداخلي
التفت الشايب على الغرفه الي قبال غرفة المدير ولا الموظفين قاعدين يطلون
راح الشايب ولم من كل واحد 50 دينار
وقالهم : مو قلتلكم راح أخليه يفسخ سرواله

شكرا زمردة على مرورك