الشاعر عمر القاضي_فلسطين
.
عدد المشاركات : 932
الاوسمــــة : 
الدولـــــة : 
نقـــــــاط : 400
تاريخ التسجـيل : 23/01/2009
بطاقة الشخصية
احترام قوانين المنتدى:
    (100/100)
 |  موضوع: جــــفـرا  الجمعة فبراير 20, 2009 6:19 pm | |
| جــــــــفـرا
من الاغاني الشعبية الفلسطينية
ومعنى كلمة جفرا بالاصل هي الماعز الصغيرة او الغزالة الصغيرة واصبحت بعد ذلك تطلق على الصبايا
جفرا وياهالربع تمشي بسهل برقة
والموت عندي يا ناس أهون من الفرقه
ياالله يا يمعتلي يا بو خيمة زرقة
ترد الولف ع الولف ساعة زمانية
جفرا وياهالربع بتصيح دلوني
وغشيم بنوم الحضن يا ناس دلوني
ان كان مني الخطا في بير دلّوني
وخلي من جسمي طعم للسمك والميّه
لطلع عا راس الجبل واشرف على الوادي
واقول يا مرحبا نسّم هوى بلادي
يا ربي يطف النهر تا يحمل الوادي
واعمل زنودي جسر واقطّعك ليّا
مرّيت عن دارهم بعد العشى بنتفه
ولقيتهم نايمين وسراجهم مطفي
مديت ايدي ع الحبق تنّي اقطفلي قطفه
وتفيق ام لها وتصرخ حراميه
والبنت تقول لامها يمه ظلمتيني
لاول عريس اجا وليش ما جوزتيني
وثاني عريس اجا بالنار كاويتيني
وثالث عريس اجا مصوّر بعينيه
جفرا ويا هالربع بين البساتيني
مجروح جرح الهوى ويا مين يداويني
ويا حامله هالجرّه ميّلي واسقيني
بلكي يطيب الجرح عا يد لبنيّه
جفرا ويا هالربع تحصد في ارض الدير
والسر اللي بيننا وايش وصله للغير
وان كان ما في ورق لكتب عا جنح الطير
وان كان ما في حبر هيلن يا عينيى
جفرا ويا هالربع وتلقط بحقلتنا
غير الضحك واللعب يا خي ما انطاتنا
ولمن خلعوا الزرع راحت وخلتنا
وتقول الى اللقا يا نور عيني
يا شوفة شفتها تعبي التبن بالخيش
واللي جوزها نذل ترخي السوالف ليش
لهجر بيوت الحجر واسكن بيت الخيش
واورد مع البدو واصير بدويه
جفرا ويا هالربع من هون لمصر
ومحبتك فلسطين بتعصرنا عصر
واحنا شباب فلسطيسن عنوان للنصر
يالله نهجم ع العدا ساعة زمنيه
جفرا ويا هالربع تنسج طبق الها
وازغيره في العمر والعشق شاغلها
وان بكت عيني يا ناس قولوا بحقلها
على غزال مرق ولا التفت لي
جمع وتحقيق الشاعر عمر القاضي الضفة الغربية | |
|
zomorda
...
عدد المشاركات : 17146
الاوسمــــة : 
الدولـــــة :
نقـــــــاط : 2367
تاريخ التسجـيل : 19/04/2008
بطاقة الشخصية
احترام قوانين المنتدى:
(100/100)
| | موضوع: رد: جــــفـرا الإثنين فبراير 23, 2009 8:34 pm | |
| اخي الشاعر
اغنية رائعة وكلامها كتير جميل
شكرا عالمجهود
تحياتي لك | |
|
الشاعر عمر القاضي_فلسطين
.
عدد المشاركات : 932
الاوسمــــة :
الدولـــــة :
نقـــــــاط : 400
تاريخ التسجـيل : 23/01/2009
بطاقة الشخصية
احترام قوانين المنتدى:
(100/100)
| | موضوع: رد: جــــفـرا الثلاثاء فبراير 24, 2009 6:24 am | |
| الى زمردة المحترمة
تحية وبعد
مروركم هو الرائع وشكرا على المتابعة | |
|
zamba2a
.
عدد المشاركات : 2405
العـــــــمر : 103
الدولـــــة : 
نقـــــــاط : 2371
تاريخ التسجـيل : 05/05/2008
بطاقة الشخصية
احترام قوانين المنتدى:
(1/1)
| | موضوع: رد: جــــفـرا الثلاثاء يوليو 07, 2009 2:50 pm | |
| | |
|
