بلعين يا عقال القصب

بلعين يا عقال القصب (بالعامية الفلسطينية

بلعين دقّي هالجرس
دقّي الجرس بالحيل
يا ويلهم يا ذلّهم
من عزّنا يا ويل
يا نجمهم يا مختفي
يا نجمنا يا سهيل
يا مهيرتي لا تجفلي
دوم أصهلي في الخيل
يا قلعتي بكتف الجبل
يا نارنا في الليل
يا زيزفونة شعبنا
يا تمرنا ونخيل
بلعين يا دار الكرم
يا دلالنا والهيل
بلعين يا تاج العرب
صار العرب عربين
بلعين علّي رايتك
تنوحّد الصفين
بلعين أجالك غايبك
مدي اله الكفين
يا طاهره يا عامرة بأهلها
يا حامله سيفين
يا وردها لأهلها يا شوكها
لأعدائها في العين
يا صبرها يا طيبها حرّاسها
زيتونها والتين
يا سيفنا يا عزّنا يا مجدنا
يا جرارنا في العين
بلعين أخت رجالها
يا مورّده الخدّين
بلعين صيحي في الركب
تا يسمعوا النايمين
في الليل قيدي نارك
تا يوصلوا التايهين
بلعين نادي المعتصم
يا محرّر الدارين
حديد كفن المعتصم
ومقفّل بقفلين
بعقوبة نادت قبلك
ناري بقت نارين
أصنام صارت خيلهم
ومربّطة بوتدين
أسمنت كان طحينهم
وسخ على الايدين
علوج صارت جندهم
ومكحلة العينين
والمعتصم لما اعتلى ع مهيرته
وعسكر وراه ماشين
أرهابي صار المعتصم
يلطم على الخدين
ممنوع تنقذ هالبلد
لو ركّبت جنحين
بلعين نارك م أنطفت
والجمر في الايدين
بلعين أطول سنبلة
يا قمحنا وطحين
بلعين يا بحر العرب
ال ما اله شطّين
بلعين يا شط العرب
والمرسى والقارب
بلعين يا عقال العرب
واللحية والشارب
بلعين خلّي حاسدك
للحسرة هو شارب
بلعين يا بوبّو الوطن
والعين والحاجب
بلعين تفتح بابها
وتقوم بالواجب
بلعين مهره مضمّره
ما يعيبها عايب
بلعيت تصلّي لربها
الله يا غالب
واللّي ما عنده وطن
حبله على الغرب
بلعين مرتينة وفا
ورصاصها صايب
بلعين يا عقال القصب
والمسبحة كارب
بلعين يا درع الوطن
من هاجمك خايب
بلعين كاسك يا وطن
م يشوبها شايب
يو الحساب لا تجفلي
يا قلعة الاحرار
لسّه الحساب بأوله
والحبل ع الجرار
خلّي الحساب أبيدره
يالله أبذروا لبذار
والحساب يوم الحساب
يا عالم القدار
ما في فشك لا تزعلي
مقلاعنا وحجار
وان قرّبوا ع اذيالك
ديري عليهم نار
بلعين كل ارجالها
مشتاقة للخيار
بلعين يا طهر الندى
تنادي ع ابو عمار
بلعين تسهر ع الحدود
تنده على الثوار
بلعين يا جرح الوطن
وبلسمه موجود
بلعين شدّي حيلك
خلّي الوترمشدود
بلعين يا بنت الوطن
يا وعدنا الموعود
بلعين يا عين الوطن
قلعة على لحدود
بلعين دقّي هالجرس
قرص الشمس دوّار
لسه الحساب بأوله
والحبل ع الجرار
جميع الحقوق محفوظة للشاعرالرفيق عمر القاضي الضفة الغربية

[ندعوك للتسجيل في المنتدى أو التعريف بنفسك لمعاينة هذه الصورة]

دمت ودام قلمك رفيقي عمر

يا ويلهم يا ذلّهم
من عزّنا يا ويل
يا نجمهم يا مختفي
يا نجمنا يا سهيل

بلعين يا عقال القصب 558302

متل العاده رائع شاعرنا

الى الرفيقة بنت بلادي اميرة الورد

تحية فلسطينية عربية

اسعد حروفي مرورك الكريم

جينا الدار نسئل ع الحبايب

لقينا الدار تبكي ع الغايب

تابعي اليوم انشاء الله قصيدة جديدة بعنوان عيون الحنان اليوم ساكملها

الى الكاتبة المتميزة دموع القدس

تحية عربية مقدسية وبعد

كلامك من ذهب

قلمك من الماس

وانت انسانة من ورد

[ندعوك للتسجيل في المنتدى أو التعريف بنفسك لمعاينة هذه الصورة]

فلسطين اولا

شكرا يا بني بلادي شكرا