لحام مرق على حاجز حمصي. سألو العسكري شو معك بالصندوق ولا؟ قلو لحم وسودا وكلاوي وبيض غنم. قلو العسكري: بيض غنم ولاك حقير؟ ونزل فيه ضرب. سمع الضابط المسؤول الضجة وإجا بسرعة. شو في ولاك إنتا ويا؟ قلو اللحام: يا سيدي ما عملت شي الله وكيلك، سألني شو معك قلتلو شو معي وبس سمع بيض غنم جن جنانو عليي! قلو إي بتستاهل الله لا يقيمك! شو عم تضحك على العساكر ولا؟ إي شو الغنم ببيض ولاك حقير؟
مرة مهندس فرنسي إستلم مشروع في حمص. كان عم يحكي مع مراقب العمال ويقلو نزال بالفرنسي Descendez ما كان حدا يفهم شو بدو، جابو أقوى واحد باللغة الفرنسية في حمص حتى يترجملهم. قالن: عما بيقلبكن شو جدبان، عم بيقلكن ديساندي، يعني بالعربي 202.
واحد حمصي غني كتير إشترى أسرع فيراري بالعالم. راح يجربا ويشوف قدي سريعة. قلع فيها وسحب، دور الراديو طلعلو: هنا لندن! قال: أوف، لعما شو سريعة!
حمصي شاف صاحبه وقله: شو باك مهموم؟
قلو: ولاك يا إخي بدي بيع السيارة وما عم تنباع! قلو شو ماركتها؟ قلو بيجو 404. قلو ولك ما حدا بيشتري هيك سيارة، روح حط عليها إسم وشعار مارسيدس وشوف كيف بيلهطوها أوام!
بعد اسبوع شافو وسألو: شو؟ نباعت السيارة ولا ما انباعت؟ جاوبو: ولك شو أنا أهبل؟ حدا عندو مارسيدس وبيبيعها؟
__________________
موضوع: Jokes 
الخميس يوليو 30, 2009 7:47 pm
